La Xunta pola Defensa de la Llingua entama un cursu d'asturianu
LESNOTICIES.COMComo ye vezu, la Xunta pola Defensa de la Llingua Asturiana pon clas d’asturianu un añu más. El cursu principia’l xueves 27 de xineru, nel local uviedín de la organización, el Llar Solidariu, na cai La Gascona 12, baxu A. El cursu tien 60 hores de duración onde los alumnos y alumnes van poder deprender el bon usu del idioma tanto a nivel escritu como oral.
L’horariu va ser de 19 a 21 hores, los martes y xueves. Sicasí, l'horariu va ser provisional hasta concretar cola xente matriculao. El preciu de la matrícula completa ye de 30 euros.
Les persones interesaes n’apuntase o garrar más información pueden facelo nel local de la Xunta, n’horariu de tarde, o nel chigre de la Xunta, La Casa Posafuelles (La Cuesta la Vega 10, Uviéu). Tamién pel corréu uvieu@exunta.org o llamando a los teléfonos 985 203 122 o 678 650 998 n'horariu de tardes.
La selmana pasada entamó esti interesante cursu d'asturianu de la Xunta pola defensa de la LLingua Asturiana. De xuru que tovía tais a tiempu, ANIMÁIVOS!
ResponderEliminar