NOTICIES

24/12/2010, ASTURNEWS.COM
L’Academia de la Llingua Asturiana espubliza la terminoloxía de la Física

Dientro del llabor d'anovamientu léxicu que se desendolca nel proyeutu Terminoloxía Asturiana (TERMAST) de l'Academia de la Llingua Asturiana, axúntase una nueva propuesta, dedicada esta vegada a la Terminoloxía de los conceutos básicos de la Física. El so autor ye Rubén Fernández Martínez, que yá tien asoleyáu dientro de Termast otru vocabulariu rellacionáu coles Matemátiques.

Nel presente trabayu axúntense al rodiu de 400 términos básicos del ámbitu científicu de la Física, col enfotu de que los llectores (estudiosos, especialistes o posible usuarios) amienten les correiciones que xulguen más afayadices. El tiempu dirá, nesti sen, qué propuestes acaben formando parte del corpus normativu de la llingua asturiana.

El milagro astur de San Ciprián

Déxovos equí l'enllaz a una noticia de la N. España que nos fala de restos de llingua asturiana  atopaos na zona de Sanabria (Zamora)

Milagro astur ed San Ciprian

AGUINALDU

¿Conocéis dalgún aguinaldu o villancicu n'asturianu?

NOTICIES

La XDLA anuncia los ganadores de los Premios Andrés Solar

Les Noticies,13/12/2010

La Xunta pola Defensa la Llingua Asturiana (XDLA) acaba d'anunciar los ganadores de los Premios Andrés Solar na so XXVI edición. El Pegollu ye'l premiu a la entidá o persona que rescamplara nel últimu añu pol so llabor en defensa o promoción del asturianu: nesta edición foi pal trabayu del equipu del programa Camín de Cantares. El Madreñazu, el gallardón que reconoz a la persona o entidá que destacara pol so llabor negativu pa cola llingua asturiana: el premiu foi pa Herminio Sastre, conseyeru d’Educación y Ciencia del Principáu d’Asturies.

La Xunta quier reconocer col Pegollu'l trabayu de tol equipu que fai posible’l programa Camín de Cantares.

Les Noticies,13/12/2010

CAMÍN DE CANTARES EN MIRANDA DEL DOURO

MIRANDA DEL DOURO I



MIRANDA DEL DOURO II



MIRANDA DEL DOURO III



MIRANDA DEL DOURO IV

NOTICIES

L'asturianu vuelve a tar considerao pola Unesco como una llingua en peligru

Fecha: 09/12/2010, LES NOTICIES.COM

L'asturianu vuelve a aparecer otru añu más como una de llingües en peligru d'estinción nel nuevu Atles de les Llingües del Mundu en Peligru, que publica la Organización de les Naciones Uníes pa la Educación, la Ciencia y la Cultura (Unesco). Ente les otres llingües del Estáu español en peligru, l'Atles tamién cita al vascu, al aragonés y al aranés. Nin el gallegu nin el catalán tán incluíos nesta clasificación.

L'atles compónse d'una llista de 2.473 llingües en riesgu de desaparecer. L'estudiu establez cinco graos de riesgu pa una llingua: vulnerable, na que los neños falen l'idioma, que pue tar restrinxíu a ámbitos de la casa; definitivamente en peligru: los menores nun deprienden l'idioma como llingua materna; gravemente en peligru: falen los güelos, los padres entienden y los neños non; críticamente en peligru: los güelos son los falantes más mozos; y estinta, ensin falantes dende 1950. La llingua asturiana ta situada nel segundu nivel más baxo de peligru.

LES NOTICIES.COM

MÁS DIBUXOS N'ASTURIANU

EL FARU D'ILLÁN

DANZA ASTURIANA

Y AGORA VAMOS DANZAR UN POQUIÑÍN

EL CÓMIC N'ASTURIANU

EL CÓMIC N'ASTURIANU EN PIECES

MÚSICA N'ASTURIANU

Y AGORA UN POCO DE MÚSICA N'ASTURIANU DE LOS GRUPOS QUE MÁS NOS PRESTEN.

LA BANDINA



LA BANDINA



TUENDA



TUENDA



AMBÁS Y HUMBERTO CARÁS



BRENGA ASTUR



LLAN DE CUBEL



LLAN DE CUBEL



NUBERU





FELPEYU



FELPEYU





TEJEDOR

ARCHIVU ORAL

Equí tán dalgunos  archivos orales de García Arias ya de Jorge Alberto García Fernández cola trescripción. Tán sacaos de la páxina Espaciu y Tiempu.

GRAU: grabación de finales de los '80.Asturianu occidental de tipu A: plurales en -as; neutralización de la terminación -o/-u; el vocalismu d'esta zona ye típicamente occidental, mientres que'l sistema consonánticu sigue la tendencia de tol asturianu central norteñu (ll,ñ...) .

Trescripción:

LA MUYER QUE NUN COMÍA:

Había una muyer munchu bona, dicía ella:

-"you nun como, comes tu" -era un Xuan tamién- "you nun como, todu s'aforra"

- "buenu, puos... tas tou bien"  y cuntóulu a un vecín ya dixu él:

-"tu... vas faer lo qu'you te mande"

-"Qué vas faer?"

-"mira, faiste que marchas ya métete en desván ya curia, tu vegílala, verás como come

" Conque, sube pal desván -yera un día que llovía muchu muchu- y ella nun sabía... pa pula mañana feixu

una tortiya, ya pa las doci feixu unus furmigus, ya pa la nuochi matóu un pitu, ya díxu-y (vienu él) ya díxu-y:

-"¡Ai dios, ahora vendrás todu moaón!

diz él: -"Non, non, nun me moéi nada... porque si nun fora'l sombreirón, qu'era tan grande, tan grande

 como la turtiya que tu almorzasti" nun puedo, ahora ya

-sí ho, sí

-que tu desayunasti

-"que tu desaunasti..., ya lus formigus..." No,

-Sí home ya lus formigus

-"ya lus furmigus, llovía tan menudu, tan menudu comu los formigus que tu comisti" eh.. ." merendasti,

poníame como un pitu pitón que tu cenasti.

EL MAL DEL FILU
El mal del filu ya un mal, qu'empiezas a arruinati, ya tienes que poner un filu con nuove noyus al
pescuozu -un filu blencu- ya espués a lus nuove días van ya... quéimanlu, ya las puvisas tienes que
chalas nun vasu ya tomallu.

 Como'l mio servidor web nun m'acepta más

archivos orales (creo que ye porque son demasiáu 

grandones) déxovos equí l'enllaz a la páxina 

d'Espaciu y Tiempu onde hai munchos más archivos.

Archivu oral Espaciu y Tiempu

CINE N'ASTURIANU

La qu’anuncien como primer película doblada al asturianu ye'l clásicu de cine de terror La nueche de los muertos vivientes, dirixida en 1968 por George A. Romero.

La iniciativa de doblar esti filme al asturianu corrió al cargu de la productora Gonzali Producciones y realizóse nel estudiu CMG de Xixón. La traducción del guión corrió de la mano d’un grupu de persones procedentes de la cultura asturiana que trabayaron pa llograr un llinguaxe cinematográficu inspiráu nel espíritu de la versión orixinal.

Na execución del doblaxe y na so post-producción participó un equipu de venti persones (14 dobladores, un director de doblaxe, un asesor llingüísiticu, un técnicu de realización, un técnicu de soníu y dos editores d'audiu y videu) que trabayaron a lo llargo de dos meses. La productora, dirixida pol realizador Illán Gonzali, piensa empecipiar el doblaxe de más títulos, lo que sería la continuación a les versiones n'asturianu subtitulaes de películes del cine mudu como Nosferatu, El Gabinete del Dr. Caligari, El Golem o Frankenstein.

La versión asturiana estrenóse en L'Arribada 2010, que se celebró en setiembre en Xixón. Y precisamente l'Asociación L'Arribada ye la que promueve la so itinerancia per otros puntos d'Asturies, como foi Corvera'l pasáu día 5 d'Ochobre, va selo Colunga'l 5 de Payares y Villaviciosa'l 27 de Payares.Déxovos equí'l trailer:



El cortu de Pablo Quiroga "Tres versiones":



Videu subío a youtube por Patatapiloto: cachos de pelis  (Blade runner, Harry Potter, Matrix, Star wars....) doblaes al asturianu

NAVIDÁ N'ASTURIES

Especial de Camín de Cantares que ta dedicáu a cancios asturianos de Navidá.
Pepa Las Murias, xunto Ambás, va ser el filo conductor del programa. Ambás contará-y a Pepa les distintes tradiciones de Navidá n'otros llugares d'Asturies, falando de los repertorios d'otros protagonistes. Escucharemos ramos de Nochebuena, aguilandos y villancicos, p'acabar con Pepa cantando l'aguilando Las Murias.

DIBUXINOS ANIMAOS

Cachinos de pelicules de dibuxinos animaos: Que vos preste asgaya!!!

Atopando a Nemo:

Rei LLeón (Parte 1):

Rei LLeón (Parte 2):

 Rei Lleón (Parte 3):

OS REISES NEL VALLEDOR

Os Reises son una de les amueses más antigües de les mazcaraes d'iviernu qu'entá se mantienen en casi tol occidente peninsular. Tán rellacionaes con celebraciones precristianes d'empiezu del añu y funden los sos raigaños en ritos naturales de dómines ancestrales. Os Reises nel Valledor ciscábense tolos años en díes precedentes al 6 de xineru, día en que se xuntaben los homes, dixebraos en comparses, na ilesia parroquial dempués de percorrer tolos pueblos de la redolada pidiendo l'aguilandu. Los mozos diben amarutaos, unos con pieles, representando lo antiguo y la naturaleza (los tolos) y otros con ropa bono, representando la modernidá: madamas, valencianos, soldaos (los guapos). Recupérase esta tradición dempués de 50 años gracies a los testimonios de los vecinos del Valledor y al so interés por recuperar les señes d'identidá cultural, y pol sofitu del Ayuntamientu d'Ayande, asociaciones de vecinos ya investigadores del folclore que desinteresadamente van collaborar nesta tradición, dispuesta nel marcu y nel contestu onde verdaderamente tien sentíu: nos llugares que lu caltuvieron hasta los nuesos díes y dientro d'esi universu que dende fai miles d'años conforma la tradición.

BIENVENÍOS AL BLOG D'ASTURIANU

NESTI BLOG VAS ATOPAR MUNCHOS MATERIALES COMPLEMENTARIOS PA LA CLASE D'ASTURIANU. VAS PODER LLEER PERIÓDICOS, VER VÍDEOS, VAS ATOPAR RESEÑES DE LLIBROS INTERESANTES, MAPES, SEMEYES, ESQUEMES, APUNTES...VAS PODER CONSULTAR DICCIONARIOS, FAER ENTRUGUES SOBRE L'ASIGNATURA O SOBRE LO QUE TE PETE.
AMÁS, VA ENCANTANOS QU'ESCRIBAS NESTI BLOG Y QUE NOS DEPRENDAS RECETES DE COCINA, QUE NOS FALES DEL ÚLTIMU LLIBRU QUE LLEÍSTI O LA ÚLTIMA PELICULA QUE VISTI,QUE NOS ENCAMIENTES VISITES A MUSEOS,ESPOSICIONES...ESTI YE UN ESPACIU ABIERTU PA QUE T'ESPRESES N'ASTURIANU.